Xocalı həqiqətlərinin dünya ictimaiyyətinə çatdırılması istiqamətində həyata keçirilən tədbirlər xüsusi əhəmiyyət kəsb edir. Bu prosesdə Heydər Əliyev Fondunun təşəbbüsü ilə reallaşdırılan “Xocalıya ədalət!” kampaniyası mühüm rol oynayır. Müxtəlif ölkələrdə keçirilən konfranslar və təqdimatlar tarixi faktların geniş auditoriyaya çatdırılmasına şərait yaradır.

İnformasiya müharibəsinin mühüm tərkib hissəsi olan bu fəaliyyət nəticəsində Xocalı hadisələri ilə bağlı həqiqətlər beynəlxalq platformalarda müzakirə olunur. Sənədlər, şahid ifadələri və hüquqi arqumentlər hadisənin mahiyyətini aydın şəkildə ortaya qoyur. Bu, tarixi faktların təhrif olunmasının qarşısını almağa xidmət edir.

Xocalı soyqırımının tanıdılması istiqamətində əldə olunan nəticələr məqsədyönlü diplomatik xəttin göstəricisidir. Bir sıra ölkələrin və qurumların hadisəyə siyasi qiymət verməsi Azərbaycanın ardıcıl siyasətinin bəhrəsidir. Bu istiqamətdə fəaliyyət davamlı xarakter daşıyır.

Eyni zamanda, ölkə daxilində də maarifləndirmə işləri genişləndirilir. Gənc nəslin milli yaddaş ruhunda tərbiyə olunması gələcək üçün mühüm amildir. Tarixi hadisələrin düzgün öyrədilməsi milli kimliyin qorunmasına xidmət edir. Xocalıya ədalət çağırışı həm hüquqi, həm də mənəvi müstəvidə aparılan mübarizənin ifadəsidir. Bu fəaliyyət ədalətin bərqərar olunmasına və həqiqətlərin beynəlxalq səviyyədə qəbuluna istiqamətlənib.

Qönçə Məmmədova

Şuşa rayon Bülbülcan adına Uşaq Musiqi Məktəbinin direktoru,YAP Şuşa rayon təşkilatının 29 saylı ərazi partiya təşkilatının sədri