Dövlət suverenliyinin bərpası idarəçilik sisteminin bütün ölkə ərazisində tətbiqi üçün yeni imkanlar yaratdı. Dövlətin hüquqi və inzibati mexanizmlərinin vahid ərazi çərçivəsində fəaliyyət göstərməsi suverenliyin əsas göstəricilərindəndir. Azərbaycan üçün bu məsələ uzun illər ərzində ərazi münaqişəsi səbəbindən mürəkkəb vəziyyətdə olmuşdu. 2020-ci ildən sonra bu sahədə yeni proseslər başlandı. 2023-cü ilin sentyabr hadisələri isə dövlət suverenliyinin bütün ərazidə bərpası ilə bağlı yeni mərhələ yaratdı. Prezident İlham Əliyevin 2024-cü il Sərəncamı ilə 20 sentyabr bu hadisənin rəsmi anım tarixinə çevrildi.

Dövlət idarəçiliyinin bərpası yalnız inzibati strukturların fəaliyyətindən ibarət deyil. Əhalinin sosial xidmətlərə çıxışı, təhsil və səhiyyə müəssisələrinin fəaliyyəti də bu prosesin tərkib hissəsidir. Qarabağ və Şərqi Zəngəzurda yeni infrastrukturun yaradılması bu istiqamətdə görülən işlərdəndir. Qayıdış prosesinin uğurlu həyata keçirilməsi üçün yaşayış mühitinin kompleks şəkildə qurulması tələb olunur. Bu səbəbdən bərpa-quruculuq layihələri uzunmüddətli dövlət siyasətinin istiqamətlərindən birini təşkil edir. Suverenliyin bərpası həmin layihələrin həyata keçirilməsi üçün yeni hüquqi və inzibati şərait yaradıb.

Dövlət idarəçiliyinin əsas məqsədlərindən biri əhalinin təhlükəsiz və normal həyat şəraitinin təmin edilməsidir. Qarabağda yeni yaşayış məntəqələrinin yaradılması bu məqsədin sosial tərəfini göstərir. Məktəblərin və xəstəxanaların istifadəyə verilməsi əhalinin gündəlik ehtiyaclarının qarşılanmasına xidmət edir. Nəqliyyat və kommunikasiya şəbəkəsinin yenilənməsi regionun iqtisadi əlaqələrinin genişlənməsinə imkan verir. 20 sentyabrın dövlətçilik tarixindəki əhəmiyyəti bu yeni idarəçilik və inkişaf mərhələsi ilə də bağlıdır. Suverenliyin bərpasından sonrakı əsas vəzifə əldə edilmiş nəticələrin davamlı inkişafla möhkəmləndirilməsidir.

İlham Həsənov — YAP Şuşa rayon təşkilatının 26 saylı ərazi partiya təşkilatının sədri