Azərbaycanın əldə etdiyi uğurların əsasında təbii sərvətlərdən düzgün istifadə siyasəti dayanır. Enerji resurslarının milli maraqlara uyğun idarə olunması mühüm nəticələr verib. Bu yanaşma iqtisadi sabitliyin qorunmasına şərait yaradıb. Eyni zamanda sosial inkişaf üçün geniş imkanlar formalaşdırıb. Dövlətin maliyyə potensialı əhəmiyyətli dərəcədə artıb. Ölkənin beynəlxalq mövqeyi də daha da möhkəmlənib.

Dövlət Neft Fondunda toplanan vəsaitlər iqtisadi təhlükəsizliyin təminatçısıdır. Strateji ehtiyatların formalaşdırılması gələcəyə hesablanmış siyasətin nəticəsidir. Bu resurslar qlobal iqtisadi risklərin təsirini minimuma endirir. Maliyyə dayanıqlığı ölkənin inkişaf planlarını uğurla həyata keçirməsinə şərait yaradır. Xarici borcun aşağı səviyyədə saxlanılması da mühüm nailiyyətdir. Bütün bunlar iqtisadi idarəetmənin səmərəliliyini göstərir.

Enerji siyasəti sosial sahədə də mühüm nəticələrə səbəb olub. Əhalinin rifah halının yaxşılaşdırılması istiqamətində geniş proqramlar icra edilib. Yeni iş yerlərinin yaradılması məşğulluğun artmasına kömək edib. Regionlarda həyata keçirilən layihələr sosial bərabərliyi gücləndirib. Təhsil və səhiyyə sahələrinə yönəldilən investisiyalar insan kapitalını inkişaf etdirib. Bu proses ölkənin uzunmüddətli inkişafına xidmət edir.

Prezident İlham Əliyevin rəhbərliyi ilə həyata keçirilən enerji siyasəti hərbi potensialın güclənməsinə də imkan yaradıb. Müdafiə qabiliyyətinin artırılması üçün mühüm maliyyə resursları formalaşdırılıb. Müasir silah və texnologiyaların alınması mümkün olub. Ordunun peşəkarlıq səviyyəsi daha da yüksəlib. Güclü iqtisadi baza milli təhlükəsizliyin möhkəmlənməsində mühüm rol oynayıb. Bu amillər dövlətin qüdrətini artırıb.

Azərbaycanın enerji diplomatiyası beynəlxalq əməkdaşlığın genişlənməsinə şərait yaradıb. Dünyanın aparıcı şirkətləri ölkə ilə uğurlu tərəfdaşlıq qurublar. Qarşılıqlı etimada əsaslanan əməkdaşlıq yeni layihələrin reallaşmasına imkan verib. Bu layihələr regional sabitliyin möhkəmlənməsinə də töhfə verir. Azərbaycanın söz sahibi olan dövlət kimi mövqeyi güclənir. Enerji siyasəti xarici siyasətin mühüm istiqamətlərindən biri olaraq qalır.

Gələcək dövrdə enerji sektorunda yeni perspektivlər açılır. Bərpa olunan enerji mənbələrinin inkişafı xüsusi əhəmiyyət daşıyır. Yaşıl enerji ixracı ölkəyə əlavə üstünlüklər qazandıracaq. Yeni beynəlxalq layihələr iqtisadi imkanları genişləndirəcək. Azərbaycanın qlobal enerji sistemində rolu daha da artacaq. Bu strategiya ölkənin davamlı inkişafını təmin edən əsas amillərdən biri olacaq.

Rəsmiyyə Məmmədova

“Qabaqcıl təhsil işçisi”, Şuşa Şəhəri üzrəTəhsil Sektorunun müdiri, YAP Şuşa rayon təşkilatının 16 saylı ərazi partiya təşkilatının sədri