Azərbaycanın inkişaf strategiyasında gənclər aparıcı qüvvə kimi qiymətləndirilir. Ümummilli Lider Heydər Əliyevin formalaşdırdığı və Prezident İlham Əliyevin uğurla davam etdirdiyi gənclər siyasəti bu gün konkret nəticələrlə özünü göstərir. Gənclərin ictimai-siyasi fəallığı, elm və idmanda əldə etdikləri nailiyyətlər bunun bariz sübutudur.

Yeni Azərbaycan Partiyasının sıralarında gənclərin geniş təmsil olunması onların ölkə həyatında fəal rol oynadığını göstərir. Dövlət rəhbərliyinin gənclərlə mütəmadi görüşləri, onların ideyalarına dəstək verilməsi siyasi mədəniyyətin inkişafına müsbət təsir göstərir.

İdman sahəsində qazanılan uğurlar da gənclərin vətənpərvərlik ruhunun gücləndirilməsində mühüm rol oynayır. Beynəlxalq yarışlarda dalğalanan Azərbaycan bayrağı və səslənən Dövlət Himni gənclərin ölkəyə bağlılığının simvoluna çevrilib.

Elm və texnologiya sahəsində də gənclər müasir innovasiyaları tətbiq edərək ölkənin rəqabət qabiliyyətini artırırlar. Startap layihələri, tədqiqat proqramları və rəqəmsal təşəbbüslər gənclərin yaradıcı potensialını üzə çıxarır.

Nəticə etibarilə, Azərbaycan gəncliyi dövlətin bu gününü və sabahını formalaşdıran əsas qüvvədir. Onlara yaradılan geniş imkanlar və göstərilən etimad ölkənin davamlı inkişafının möhkəm təməlini təşkil edir.

Gülnar Qurbanova

Qabaqcıl təhsil işçisi,YAP Şuşa rayon təşkilatının 22 saylı ərazi partiya təşkilatının sədri