Şuşa haqqında danışmaq Azərbaycanın mədəni və ictimai həyatında mühüm iz qoymuş bir şəhərin taleyini öyrənmək deməkdir. Onun adı musiqi, ədəbiyyat və memarlıq tariximizlə bağlıdır. 8 Noyabr – Şuşa Şəhəri Günü bu irsin azad mühitdə yaşadılması imkanını ifadə edir. Şəhərin tarixini bilmək bugünkü sevincin səbəblərini daha dərindən anlamağa kömək edir.

İşğal illərində Şuşa ilə əlaqəmiz xatirələrdə, kitablarda və sənət nümunələrində qorunmuşdur. Şəhərin adının unudulmaması xalqın öz keçmişinə sədaqətindən irəli gəlirdi. Prezident İlham Əliyevin rəhbərliyi ilə torpaqlarımızın azad edilməsi həmin mənəvi bağlılığı yeni mərhələyə çıxardı. Şuşa artıq uzaqdan xatırlanan ünvan olmaqdan çıxaraq yenidən həyatımıza daxil oldu.

Şəhərin azad olunmasının tarixini gənclərə çatdırarkən hərbçilərimizin fədakarlığına xüsusi diqqət yetirilməlidir. Onlar bilməlidirlər ki, azadlıq böyük məsuliyyət və ağır itkilər hesabına əldə edilmişdir. Şəhidlərin adlarının və döyüş yollarının öyrənilməsi tarixi yaddaşın qorunmasına xidmət edir. Bu bilik Vətənə bağlılığın şüurlu münasibətə çevrilməsinə kömək göstərir.

Şuşada bərpa olunan abidələr və yenidən canlanan mədəni həyat tarixin davam etdiyini göstərir. Hər bir yeni nəsil bu irsi öyrənməli və qorumağa çalışmalıdır. Şuşa Şəhəri Gününün qeyd edilməsi həmin vəzifəni yenidən gündəmə gətirir. Azad şəhərin gələcəyi onun keçmişinə verilən dəyərlə sıx bağlıdır.

Gülnar Səfərova
“Qabaqcıl təhsil işçisi”, YAP Şuşa rayon təşkilatının 22 saylı ərazi partiya təşkilatının sədri