Gənclərin yalnız peşəkar deyil, həm də mənəvi baxımdan formalaşması dövlət siyasətinin mühüm istiqamətlərindən biridir. Milli dəyərlərə bağlılıq, tarixi yaddaşın qorunması və vətəndaş məsuliyyəti sağlam cəmiyyətin əsas sütunlarıdır. Bu keyfiyyətlərin gənc nəslə aşılanması uzunmüddətli sosial sabitliyə xidmət edir. Gənclər cəmiyyətin həm fiziki, həm də mənəvi dayağına çevrilirlər.

Azərbaycanda vətənpərvərlik ruhunun gücləndirilməsi məqsədilə müxtəlif proqramlar həyata keçirilir. Tarixi irsin təbliği, mədəni layihələr və ictimai təşəbbüslər gənclərin milli kimliyə bağlılığını artırır. Könüllülük fəaliyyəti isə onların sosial problemlərin həllində fəal iştirakını təmin edir. Bu proses gənclərin təşkilatçılıq və liderlik bacarıqlarını da inkişaf etdirir.

Hərbi-vətənpərvərlik tərbiyəsi də bu siyasətin mühüm hissəsidir. Gənclərin dövlətə və torpağa bağlılığı real sınaqlar zamanı özünü göstərir. Müasir dövrdə informasiya mühitində aparılan mübarizədə də gənclər fəal mövqe tutur, milli maraqların müdafiəsində iştirak edirlər. Bu isə onların ictimai məsuliyyət hissinin gücləndiyini nümayiş etdirir.

Sosial fəallıq və vətənpərvərlik bir-birini tamamlayan anlayışlara çevrilib. Gənclərin müxtəlif layihələrdə iştirakı cəmiyyətin inkişaf tempini artırır və həmrəylik mühitini möhkəmləndirir. Nəticədə, formalaşan gənc nəsil yalnız bugünün deyil, gələcəyin də əsas dayağı kimi çıxış edir.

Rəsmiyyə Məmmədova

“Qabaqcıl təhsil işçisi”, Şuşa Şəhəri üzrəTəhsil Sektorunun müdiri, YAP Şuşa rayon təşkilatının 16 saylı ərazi partiya təşkilatının sədri