Prezident İlham Əliyevin Gürcüstana səfəri Azərbaycan–Gürcüstan münasibətlərinin tarixi köklərinə və müasir inkişaf mərhələsinə yeni baxış imkanı yaratdı. Bu münasibətlər artıq sadəcə qonşuluq əlaqələri deyil, dərin strateji tərəfdaşlıq səviyyəsinə yüksəlib. Səfər zamanı verilən mesajlar bu əlaqələrin gələcəkdə daha da genişlənəcəyini göstərir.

Tarixi baxımdan iki xalq arasında mövcud olan dostluq münasibətləri xüsusi əhəmiyyət kəsb edir. Əsrlər boyu davam edən bu münasibətlər qarşılıqlı hörmət və etimada əsaslanır. Bu ənənə müasir dövrdə də davam etdirilərək dövlətlərarası münasibətlərin əsasını təşkil edir.

İqtisadi sahədə əməkdaşlıq bu münasibətlərin inkişafında mühüm rol oynayır. Azərbaycanın Gürcüstana yatırdığı investisiyalar və artan ticarət dövriyyəsi tərəflər arasında mövcud olan etimadın göstəricisidir. Bu əməkdaşlıq hər iki ölkənin iqtisadi inkişafına müsbət təsir göstərir.

Enerji layihələri isə bu tərəfdaşlığın strateji mahiyyətini daha da gücləndirir. Azərbaycanın enerji resurslarının Gürcüstan vasitəsilə ixracı regionun beynəlxalq əhəmiyyətini artırır. Bu layihələr həm də siyasi sabitliyə xidmət edir.

Beləliklə, Azərbaycan–Gürcüstan münasibətləri tarixdən gələn dostluq üzərində qurularaq müasir dövrdə strateji tərəfdaşlıq səviyyəsinə yüksəlib və bu proses davam edir.

Namiq Hüseynov

YAP Şuşa rayon təşkilatının 35 saylı ərazi partiya təşkilatınn sədri