Müasir dünyada təhlükəsizlik məsələsi dövlətlərin əsas prioritetlərindən birinə çevrilib. Geosiyasi gərginliklərin artması və regional münaqişələrin davam etməsi beynəlxalq təhlükəsizlik sisteminin daha da gücləndirilməsini tələb edir. Belə bir şəraitdə beynəlxalq əməkdaşlıq və dialoq platformaları xüsusi əhəmiyyət kəsb edir.

XIII Qlobal Bakı Forumu məhz bu məqsədlə təşkil olunan mühüm tədbirlərdən biridir. Forum çərçivəsində qlobal təhlükəsizlik, regional sabitlik və beynəlxalq əməkdaşlıq kimi məsələlər geniş şəkildə müzakirə olunur. Dünyanın müxtəlif ölkələrindən gələn siyasətçilər və ekspertlər burada fikir mübadiləsi apararaq ortaq həll yolları axtarırlar.

Forumda çıxış edən Prezident İlham Əliyev təhlükəsizlik məsələlərinin bütün dövlətlər üçün vacib olduğunu vurğuladı. Prezident İlham Əliyev qeyd etdi ki, sülh və sabitlik olmadan heç bir ölkənin davamlı inkişafından danışmaq mümkün deyil. Onun fikrincə, beynəlxalq münasibətlərdə qarşılıqlı hörmət və əməkdaşlıq prinsipləri əsas rol oynamalıdır.

Azərbaycanın həyata keçirdiyi siyasət regionda sabitliyin möhkəmlənməsinə yönəlib. Ölkəmiz müxtəlif beynəlxalq layihələr vasitəsilə iqtisadi və siyasi əməkdaşlığı inkişaf etdirir. Bu təşəbbüslər region dövlətləri arasında etimadın artmasına müsbət təsir göstərir.

Beləliklə, Qlobal Bakı Forumu beynəlxalq təhlükəsizlik və əməkdaşlıq məsələlərinin müzakirəsi üçün mühüm platforma rolunu oynayır. Bu tədbir qlobal problemlərin həllində birgə fəaliyyətin vacibliyini bir daha nümayiş etdirir.

Gülnar Səfərova

Qabaqcıl təhsil işçisi,YAP Şuşa rayon təşkilatının 22 saylı ərazi partiya təşkilatının sədri