Bakı qlobal diplomatiyanın önəmli mərkəzi kimi

Müasir beynəlxalq münasibətlər sistemində Azərbaycanın rolu getdikcə daha da güclənir. Xüsusilə paytaxt Bakının müxtəlif beynəlxalq tədbirlərə ev sahibliyi etməsi ölkənin diplomatik imkanlarını genişləndirir. Bu tədbirlər vasitəsilə Azərbaycan qlobal siyasi dialoqun aparıldığı mühüm platformalardan birinə çevrilir.

Avropa İttifaqı Şurasının Prezidenti Antonio Koştanın Azərbaycana səfəri bu baxımdan diqqətəlayiq hadisədir. Səfər çərçivəsində keçirilən görüşlər Azərbaycan ilə Avropa İttifaqı arasında münasibətlərin inkişafı üçün yeni imkanlar yaradıb. Tərəflər bir sıra sahələr üzrə əməkdaşlığın genişləndirilməsi barədə fikir mübadiləsi aparıblar.

Enerji sahəsi bu əməkdaşlığın əsas istiqamətlərindən biridir. Avropa ölkələrinin enerji təhlükəsizliyinin təmin olunmasında Azərbaycanın rolu getdikcə artır. Xəzər hövzəsinin enerji ehtiyatlarının Avropa bazarlarına çıxarılması qitə üçün strateji əhəmiyyət daşıyır.

Eyni zamanda Azərbaycan nəqliyyat və logistika sahəsində də mühüm mövqeyə malikdir. Ölkənin coğrafi mövqeyi Şərq ilə Qərb arasında iqtisadi əlaqələrin inkişafına şərait yaradır. Bu amil Azərbaycanın beynəlxalq iqtisadi layihələrdə rolunu daha da artırır.

Gülnar Səfərova

Qabaqcıl təhsil işçisi,YAP Şuşa rayon təşkilatının 22 saylı ərazi partiya təşkilatının sədri