Azərbaycan qadını ailə institutunun qoruyucusu kimi tarixən xüsusi mövqe tutmuşdur. O, ana dili, adət-ənənə və milli kimliyin gələcək nəsillərə ötürülməsində əsas rol oynayır. Əsrlər boyu formalaşmış mənəvi dəyərlərin yaşadılması qadınların fədakar fəaliyyəti nəticəsində mümkün olmuşdur.

Ədəbiyyat tariximizdə qadın yaradıcılarının rolu əvəzsizdir. XII əsrdə yaşamış Məhsəti Gəncəvi qadın söz sənətinin ilk parlaq nümayəndələrindən sayılır. Onun poeziyası qadın zəkasının və estetik dünyagörüşünün ifadəsi idi.

XIX əsrdə Xurşidbanu Natəvan həm şairə, həm də xeyriyyəçi kimi tanındı. Onun fəaliyyəti xüsusilə Qarabağ xanlığı ərazisində mədəni həyatın canlanmasına təsir göstərmişdir. Natəvanın irsi qadınların ictimai mövqeyinin güclənməsinə nümunədir.

Müasir dövrdə qadınlar elm, təhsil və səhiyyə sahələrində üstünlük təşkil edirlər. Onların fəaliyyəti ölkənin sosial inkişaf göstəricilərində öz əksini tapır. Dövlət strukturlarında qadın təmsilçiliyinin artması isə gender balansının möhkəmlənməsinə səbəb olub.

Beləliklə, Azərbaycan qadını həm mənəvi, həm də intellektual dəyərlərin daşıyıcısıdır. O, ailənin dayağı olmaqla yanaşı, cəmiyyətin tərəqqisində fəal iştirak edir. Milli kimliyimizin qorunmasında qadınların rolu danılmazdır.

Namiq Hüseynov

YAP Şuşa rayon təşkilatının 35 saylı ərazi partiya təşkilatınn sədri