Xocalı hadisələri beynəlxalq ictimaiyyət üçün də ciddi mesajdır. Milli və etnik mənsubiyyətinə görə insanların kütləvi şəkildə qətlə yetirilməsi beynəlxalq hüquqa əsasən soyqırımı anlayışına uyğun gəlir. Xocalıda baş verənlər də məhz bu çərçivədə qiymətləndirilir.

Faciənin dünyaya çatdırılması istiqamətində ardıcıl iş aparılıb. Heydər Əliyev Fondu tərəfindən həyata keçirilən layihələr və məlumatlandırma kampaniyaları bu istiqamətdə mühüm rol oynayıb. Fondun vitse-prezidenti Leyla Əliyeva tərəfindən başladılan “Xocalıya ədalət!” təşəbbüsü müxtəlif ölkələrdə geniş rezonans doğurub.

Beynəlxalq konfranslar, sərgilər və nəşrlər vasitəsilə Xocalı həqiqətləri daha geniş auditoriyaya çatdırılıb. Bir sıra ölkələrin parlamentləri faciə ilə bağlı qərarlar qəbul edib. Bu, hadisənin siyasi və hüquqi qiymətləndirilməsi baxımından əhəmiyyətlidir.

Xocalı soyqırımı insanlığa qarşı törədilmiş cinayət kimi tarixdə qalır. Onun tanıdılması yalnız ədalətin bərpası deyil, həm də gələcəkdə belə faciələrin qarşısının alınmasına xidmət edir.

Anar Əlizadə

Niyazi adına Şuşa şəhər Uşaq İncəsənət Məktəbinin direktoru, YAP Şuşa rayon təşkilatının 14 saylı ərazi partiya təşkilatının sədri