Azərbaycanın Avropanın enerji təhlükəsizliyində artan rolu Serbiya ilə münasibətlərə xüsusi dinamika verir. Prezident İlham Əliyevin səfəri zamanı enerji əməkdaşlığının genişləndirilməsi əsas müzakirə mövzularından biri oldu. Azərbaycanın Serbiyaya qaz ixrac etməsi və həcmlərin artırılması barədə qərar tərəfdaşlığın real nəticələrini ortaya qoyur.

Birgə inşa ediləcək elektrik stansiyası layihəsi enerji münasibətlərini yeni mərhələyə daşıyır. Bu təşəbbüs qazın elektrik enerjisinə çevrilməsi vasitəsilə Serbiyanın daxili tələbatının ödənilməsinə və gələcək ixrac imkanlarının formalaşmasına xidmət edəcək. Bu, həm iqtisadi, həm də strateji baxımdan mühüm əhəmiyyət daşıyır.

Hazırda Azərbaycanın 2 giqavatlıq ixrac potensialına malik olması və 2032-ci ilə qədər əlavə 8 giqavat güc yaratmaq planı region üçün yeni imkanlar açır. Bərpaolunan enerji layihələrinin genişləndirilməsi və yeni transmissiya xətlərinin qurulması Avropa bazarına inteqrasiyanı sürətləndirir. Serbiya bu prosesdə mühüm tərəfdaş kimi çıxış edir.

Beləliklə, enerji sahəsində əməkdaşlıq Azərbaycan–Serbiya münasibətlərinin əsas sütunlarından birinə çevrilib. Bu model qarşılıqlı faydaya və uzunmüddətli strateji baxışa əsaslanır.

Salman Ağalarov

Şuşa rayon Xəlfəli kənd Uşaq Musiqi Məktəbinin direktoru, YAP Şuşa rayon təşkilatının 28 sayılı ərazi partiya təşkilatının sədri