Rəqəmsal iqtisadiyyatın təməlində dayanıqlı enerji təminatı dayanır. Azərbaycanın son illərdə generasiya gücünü 10 min meqavata çatdırması bu sahədə mühüm baza formalaşdırıb. Əlavə istifadə olunmayan enerji potensialı data mərkəzlərinin yaradılması üçün əlverişli imkan yaradır. Çünki böyük həcmli məlumatların saxlanılması və emalı yüksək enerji sərfi tələb edir.

Qaz və hidro resurslarla yanaşı Günəş və külək enerjisi layihələrinin genişləndirilməsi yaşıl enerji modelinə keçidi sürətləndirir. Bu istiqamətdə imzalanmış müqavilələr gələcəkdə generasiya gücünün daha da artacağını göstərir. Enerji təhlükəsizliyi rəqəmsal sistemlərin fasiləsiz işləməsini təmin edən əsas faktordur. Beləliklə, enerji və texnologiya arasında strateji sinerji formalaşır.

Sənayeləşmə və qeyri-neft sektorunun artımı enerji tələbatını yüksəldir. Eyni zamanda əhalinin artması daxili istehlakı genişləndirir. Bu şəraitdə generasiya gücünün artırılması ölkənin ümumi inkişafını dəstəkləyir. Rəqəmsal iqtisadiyyatın genişlənməsi isə enerji potensialından daha səmərəli istifadəni tələb edir.

Yaşıl enerji ilə rəqəmsal transformasiyanın vəhdəti Azərbaycanın regional lider mövqeyini möhkəmləndirə bilər. Ekoloji dayanıqlıq və texnoloji inkişaf paralel şəkildə təmin edilir. Bu model uzunmüddətli perspektivdə iqtisadi sabitliyi gücləndirəcək. Enerji üstünlüyü rəqəmsal gələcəyin əsas dayaqlarından biridir.

Anar Əlizadə
Niyazi adına Şuşa şəhər Uşaq İncəsənət Məktəbinin direktoru, YAP Şuşa rayon təşkilatının 14 saylı ərazi partiya təşkilatının sədri