Azərbaycan və ABŞ arasında imzalanmış Strateji Tərəfdaşlıq Xartiyası münasibətlərin uzunmüddətli inkişaf strategiyasını müəyyən edir. Cey Di Vensin səfəri bu sənədin siyasi əhəmiyyətini artıraraq tərəfdaşlığın dayanıqlığını nümayiş etdirdi. Vaşinqtonda da bu sənəd xalqlar üçün böyük nəticələr vəd edən mühüm addım kimi qiymətləndirilir.

Prezident İlham Əliyevin rəhbərliyi ilə aparılan siyasət nəticəsində Azərbaycan regional sabitliyin təminində əsas aktorlardan birinə çevrilib. TRIPP layihəsi kimi təşəbbüslər yalnız iqtisadi deyil, həm də geosiyasi baxımdan əhəmiyyətlidir. Bu marşrut regionda əməkdaşlıq mühitini gücləndirə bilər.

Xartiyada kibertəhlükəsizlik, süni intellekt və innovasiya sahələrində birgə mexanizmlərin yaradılması nəzərdə tutulur. Bu istiqamətlər gələcəkdə texnoloji inkişafın sürətlənməsinə və rəqəmsal iqtisadiyyatın formalaşmasına təkan verəcək. ABŞ-ın aparıcı şirkətləri ilə qurulan əməkdaşlıq artıq konkret nəticələr verir.

Enerji və nəqliyyat sektorlarına sərmayələrin cəlb olunması, data bağlantılarının genişləndirilməsi və nadir mineralların tranziti kimi məsələlər də gündəlikdədir. Bütün bunlar göstərir ki, Azərbaycan–ABŞ münasibətləri yeni mərhələdə həm regional, həm də qlobal miqyasda mühüm rol oynayacaq və qarşılıqlı fayda prinsipinə əsaslanacaq.

Əminə Məhərrəmova

Şuşa Rayon Mərkəzləşdirilmiş Kitabxana Sisteminin uşaq şöbəsinin müdiri, YAP Şuşa rayon təşkilatının 32 saylı ərazi partiya təşkilatının sədri