Prezident İlham Əliyevin “Zayed İnsan Qardaşlığı Mükafatı”na layiq görülməsi Azərbaycanın beynəlxalq arenada humanitar dəyərlərin təşviqində oynadığı rolun təsdiqi kimi qiymətləndirilir. Bu təltif ölkəmizin multikulturalizm və qarşılıqlı hörmət siyasətinə verilən yüksək beynəlxalq dəyərin simvolu hesab olunur.

BƏƏ-nin qurucusu Şeyx Zayedin adını daşıyan mükafat sülhün və insan həmrəyliyinin təşviqinə töhfə verən liderlərə təqdim edilir. Prezident İlham Əliyevin bu sıraya daxil olması Azərbaycanın qlobal sülh gündəliyində fəal iştirak etdiyini göstərir.

Çıxışlarda Azərbaycan–Ermənistan münasibətlərində əldə olunan irəliləyişlərin regional və beynəlxalq əhəmiyyəti ön plana çəkildi. Uzun illər davam edən münaqişədən sonra formalaşan yeni mərhələnin Cənubi Qafqaz üçün sabitlik perspektivi yaratdığı bildirildi.

Mükafatın verilməsi ölkədə dini tolerantlıq və mədəni müxtəlifliyin qorunmasına yönəlmiş siyasətin beynəlxalq səviyyədə tanınmasının göstəricisi kimi təqdim olunur. Dövlət tərəfindən dini irsin qorunması və icmalararası dialoqun təşviqi bu modelin əsas dayaqlarıdır.

Rəfail Məmmədov

“Əməkdar müəllim”, YAP Şuşa rayon təşkilatının fəal üzvü