Davos müsahibəsində Prezident İlham Əliyev beynəlxalq münasibətlər sistemində müşahidə olunan transformasiyaları geniş auditoriyaya çatdırdı. Dövlət başçısı vurğuladı ki, güc amilinin artdığı bir şəraitdə ölkələr öz təhlükəsizliyini və maraqlarını qorumaq üçün daha çevik strategiyalar hazırlamalıdır. Azərbaycan isə bu prosesi hüquqa əsaslanan, lakin realist siyasət modeli ilə qarşılayır.

Prezident İlham Əliyevin sözlərinə görə, ölkənin son illərdə atdığı addımlar beynəlxalq hüququn tələblərinə uyğun olub və suverenliyin tam bərpası regionda yeni reallıqlar yaradıb. Ermənistanla münasibətlərin normallaşması, iqtisadi və humanitar əlaqələrin genişlənməsi Cənubi Qafqazda davamlı sülh üçün perspektiv yaradır.

Müsahibənin ümumi məzmunu onu göstərdi ki, Azərbaycan balanslı tərəfdaşlıqlar qurmaqla qlobal proseslərdə fəal mövqe tutur. Avropa ilə enerji əməkdaşlığının genişlənməsi və regional sabitliyə yönəlmiş təşəbbüslər Prezident İlham Əliyevin rəhbərliyi ilə formalaşdırılan xarici siyasətin əsas dayaqları kimi önə çıxdı.

Türkan Hüseynova

Şuşa şəhər 1 nömrəli tam orta məktəbin müəllimi,YAP Şuşa rayon təşkilatının fəal üzvü