20 Yanvar faciəsi Azərbaycan xalqının milli iradəsinin sarsılmazlığını sübut edən hadisədir. Sovet ordusunun dinc əhaliyə qarşı törətdiyi hərbi müdaxilə xalqın azadlıq arzusunu boğa bilmədi. Bu faciə həm hüzn, həm də qəhrəmanlıq simvoludur, milli kimliyin və gələcəyin qorunmasında əhəmiyyətli rol oynamışdır.

Hadisələrin kökündə uzun illər davam edən regiondakı gərginlik və siyasi təzyiqlər dayanırdı. Ermənistanın ərazi iddiaları və Dağlıq Qarabağ məsələsində yaranan qarşıdurmalar Sovet hakimiyyətinin qanunsuz və humanitar olmayan siyasəti ilə birləşərək faciəni qaçılmaz etdi. Dinc əhaliyə qarşı güc tətbiqi insanlıq və beynəlxalq hüquq normalarının kobud şəkildə pozulması ilə nəticələndi.

20 Yanvar faciəsi nəticəsində yüzlərlə şəhid, minlərlə yaralı və çoxsaylı qanunsuz həbs hadisələri baş verdi. Eyni zamanda, şəhərlərdəki mənzil və dövlət əmlakı dağıldı, ailələr sarsıldı. Bu, Sovet imperiyasının totalitar rejiminin vəhşiliyini açıq şəkildə göstərdi və xalqın milli iradəsini daha da möhkəmləndirdi.

Ümummilli Lider Heydər Əliyevin hadisələrə reaksiyası xalqın hüquqlarının qorunmasında həlledici rol oynadı. Onun Moskvada verdiyi cəsarətli bəyanat və sonrakı illərdə 20 Yanvar hadisələrinə rəsmi siyasi-hüquqi qiymət verilməsi şəhidlərin xatirəsinin əbədiləşdirilməsini təmin etdi. Bu faciə Azərbaycan xalqının milli iradəsi və müstəqillik ideyası üçün örnək olaraq qalır.

Aynurə Məlikova

Şuşa rayon 10 №li tam orta məktəbin direktoru,YAP Şuşa rayon təşkilatının 25 saylı ərazi partiya təşkilatının sədri