Azərbaycanın müasir inkişaf modelində infrastruktur layihələri strateji əhəmiyyətə malikdir. Dövlət tərəfindən həyata keçirilən genişmiqyaslı quruculuq işləri iqtisadi artımın əsas dayaqlarından biri kimi çıxış edir. Bu layihələr ölkənin sosial həyatına, regional balansın qorunmasına və ümumi rəqabət qabiliyyətinin artırılmasına mühüm töhfə verir.

Enerji sektorunda əldə edilən nailiyyətlər bu strategiyanın ən uğurlu nəticələrindəndir. Elektrik enerjisi istehsalının artırılması, ötürücü və paylayıcı şəbəkələrin yenilənməsi ölkənin enerji müstəqilliyini tam təmin edib. Bu gün Azərbaycan artıq enerji ixrac edən ölkə kimi beynəlxalq bazarda mövqeyini möhkəmləndirir və regional enerji təhlükəsizliyinə töhfə verir.

Nəqliyyat və kommunikasiya infrastrukturunun inkişafı da iqtisadi fəallığın artmasına güclü stimul yaradır. Yeni yollar, körpülər və tunellər regionların iqtisadi dövriyyəyə cəlb olunmasını asanlaşdırır. İşğaldan azad edilmiş ərazilərdə aparılan sürətli infrastruktur quruculuğu həmin bölgələrin sosial və iqtisadi dirçəlişinin əsasını qoyur.

Su təchizatı və tullantı suları sistemlərinin təkmilləşdirilməsi isə bu kompleks siyasətin ayrılmaz hissəsidir. Yeni Dövlət Proqramı vasitəsilə su resurslarının dayanıqlı idarə olunması, ekoloji risklərin azaldılması və əhalinin həyat şəraitinin yaxşılaşdırılması hədəflənir. Bu yanaşma Azərbaycanın gələcək inkişafının möhkəm təməl üzərində qurulduğunu bir daha təsdiqləyir.

Kamalə Səfərova

Şuşa Mərkəzi Rayon Xəstəxanası PHŞ-nin direktoru, YAP Şuşa rayon təşkilatının 24 saylı ərazi partiya təşkilatının sədri