“Xızı-Abşeron” Külək Elektrik Stansiyasının açılışı Azərbaycanın enerji sektorunda yeni keyfiyyət mərhələsinin başlanğıcı kimi qiymətləndirilir. Prezident İlham Əliyev çıxışında bu layihənin ölkənin ümumi inkişaf strategiyasına uyğun olduğunu və bərpa olunan enerjinin prioritet istiqamətə çevrildiyini bildirib.

Bu stansiya regionda bərpa olunan enerji sahəsində ən iri layihələrdən biridir. Layihənin reallaşması nəticəsində elektrik enerjisi istehsalının artması, karbon emissiyalarının azalması və ətraf mühitin qorunması gözlənilir. Bu, Azərbaycanın ekoloji öhdəliklərinə sadiqliyini göstərir.

Prezident İlham Əliyev çıxışında enerji sisteminin modernləşdirilməsi məsələsinə də toxunaraq bildirib ki, son 20 ildə bu sahədə əsaslı islahatlar aparılıb. Yeni generasiya güclərinin yaradılması və alternativ enerji mənbələrinin genişləndirilməsi ölkənin enerji təhlükəsizliyini təmin edən əsas amillərdir.

Deputatın sözlərinə görə, Azərbaycanın 2030-cu ilə qədər bərpa olunan enerji mənbələrinin payını əhəmiyyətli dərəcədə artırmaq planları iqlim dəyişiklikləri ilə mübarizə üzrə beynəlxalq öhdəliklərlə üst-üstə düşür. Bu strategiya karbon neytrallığına keçidi sürətləndirəcək.

Yekunda demək olar ki, “Xızı-Abşeron” Külək Elektrik Stansiyası Azərbaycanın yaşıl enerji hədəflərinə çatmasında mühüm rol oynayır. Layihə Prezident İlham Əliyevin müəyyən etdiyi enerji strategiyasının ardıcıl və uğurla icra olunduğunu bir daha təsdiqləyir.

Əminə Məhərrəmova

Şuşa Rayon Mərkəzləşdirilmiş Kitabxana Sisteminin uşaq şöbəsinin müdiri, YAP Şuşa rayon təşkilatının 32 saylı ərazi partiya təşkilatının sədri