Azərbaycanın enerji siyasəti müasir dövrün tələblərinə uyğun olaraq davamlı şəkildə təkmilləşdirilir. Ölkə enerji təhlükəsizliyini təmin etməklə yanaşı, qlobal enerji bazarlarında etibarlı tərəfdaş kimi tanınır. Bu siyasətin əsas məqsədi iqtisadi inkişafla ekoloji tarazlığı uzlaşdırmaqdır.

Enerji sektorunun inkişafında tarixi mərhələlər mühüm rol oynayıb. Neft və qaz layihələri ilə əldə olunan təcrübə və maliyyə imkanları bu gün bərpaolunan enerji sahəsinə yönəldilir. Qarabağ və Şərqi Zəngəzurun yaşıl enerji zonası kimi inkişaf etdirilməsi bu baxımdan strateji əhəmiyyət daşıyır.

“Xızı-Abşeron” Külək Elektrik Stansiyasının fəaliyyətə başlaması Azərbaycanın yaşıl enerji hədəflərinə yaxınlaşdığını göstərir. Layihə nəticəsində enerji istehsalında şaxələndirmə təmin olunur, təbii qaza qənaət edilir və ixrac potensialı artır. Bu isə ölkənin enerji balansının daha dayanıqlı olmasına imkan yaradır.

Uzunmüddətli perspektivdə Azərbaycan həm ənənəvi, həm də bərpaolunan enerji sahəsində lider mövqeyini qorumağı hədəfləyir. Beynəlxalq əməkdaşlıq, innovativ texnologiyalar və strateji planlama bu məqsədə xidmət edir. Nəticə etibarilə ölkəmiz enerji sahəsində regional deyil, qlobal miqyasda söz sahibi olan dövlətlər sırasında yer alır.

Elmira Əliyeva

Tərəqqi medallı,YAP Şuşa rayon təşkilatının 15 saylı ərazi partiya təşkilatının sədri