Son 22 ildə Azərbaycan sabitlik və təhlükəsizlik məkanı kimi tanınıb. Qlobal miqyasda qarşıdurmaların artdığı bir dövrdə ölkəmiz inkişaf yolunu qoruyub saxlaya bilib. Bu, Prezident İlham Əliyevin düşünülmüş və sistemli siyasətinin nəticəsidir.

Daxili sabitliyin qorunması milli inkişafın əsas şərti kimi daim diqqət mərkəzində saxlanılıb. Xalq–iqtidar birliyi, sağlam ictimai-siyasi mühit ölkənin uğurlarının əsasını təşkil edir. Prezident İlham Əliyev dəfələrlə vurğulayıb ki, bu uğurların əsas mənbəyi məhz xalqın dəstəyidir.

İşğaldan azad edilmiş ərazilərdə həyata keçirilən “Böyük Qayıdış” proqramı Azərbaycanın gələcəyə baxışını aydın şəkildə nümayiş etdirir. Bu proqram təkcə məskunlaşma deyil, həm də uzunmüddətli inkişaf strategiyasıdır. Qarabağ və Şərqi Zəngəzur yeni həyat mərhələsinə qədəm qoyur.

Bu gün Azərbaycan real gücə malik, sabit və perspektivli dövlətdir. Prezident İlham Əliyevin 22 illik liderliyi ölkənin tarixinə yüksəliş dövrü kimi yazılıb. Bu liderlik irsi gələcək nəsillər üçün də möhkəm və etibarlı təməl yaradır.

Nizami Şahvələdov

YAP Şuşa rayon təşkilatının 33 saylı ərazi partiya təşkilatının sədri