Prezident İlham Əliyevin rəhbərliyi altında Azərbaycan beynəlxalq arenada etibarlı və fəal tərəfdaş kimi tanınıb. Ölkəmizin qlobal təşəbbüslərlə çıxış etməsi və beynəlxalq layihələrdə aparıcı rol oynaması artan siyasi nüfuzun göstəricisidir. Azərbaycan bu gün Şərqlə Qərb arasında körpü rolunu uğurla yerinə yetirir.

Enerji təhlükəsizliyi sahəsində həyata keçirilən transmilli layihələr Azərbaycanın strateji əhəmiyyətini artırıb. “Cənub Qaz Dəhlizi” kimi irimiqyaslı layihələr Avropanın enerji xəritəsində ölkəmizin rolunu möhkəmləndirib. Prezident İlham Əliyevin qətiyyətli siyasəti nəticəsində Azərbaycan etibarlı enerji tərəfdaşı statusu qazanıb.

Azərbaycanın beynəlxalq təşkilatlarda fəal iştirakı ölkənin qlobal proseslərə verdiyi töhfənin göstəricisidir. İqlim dəyişikliyi, iqtisadi əməkdaşlıq və sülh təşəbbüsləri Azərbaycanın konstruktiv mövqeyini nümayiş etdirir. D-8 təşkilatına üzvlük də ölkəmizə olan beynəlxalq etimadın nəticəsidir.

Bütün bu uğurlar Prezident İlham Əliyevin müstəqil xarici siyasət kursunun məntiqi nəticəsidir. Azərbaycan heç bir təzyiqə boyun əymədən, milli maraqlara əsaslanan siyasət yürüdür. Bu yanaşma ölkəmizin qlobal nüfuzunu davamlı şəkildə artırır.

İlham Həsənov

YAP Şuşa rayon təşkilatının 26 saylı ərazi partiya təşkilatının sədri