Prezident İlham Əliyevin liderliyinin ən parlaq səhifələrindən biri Qarabağ Zəfəri ilə bağlıdır. Uzun illər işğal altında qalmış torpaqların azad edilməsi Azərbaycanın milli iradəsinin, güclü ordusunun və qətiyyətli rəhbərliyinin nəticəsi oldu. Bu tarixi Qələbə ölkənin suverenliyini tam təmin etdi.

Vətən müharibəsi təkcə hərbi əməliyyatlar deyil, həm də uzun illər aparılan məqsədyönlü siyasətin məntiqi yekunu idi. Ordu quruculuğuna yönələn ardıcıl investisiyalar, diplomatik mübarizə və milli birliyin təmin olunması Qələbənin əsas şərtləri oldu. Azərbaycan beynəlxalq hüququ öz gücü ilə bərpa etdi.

Qələbədən sonra işğaldan azad edilmiş ərazilərdə genişmiqyaslı bərpa-quruculuq işlərinə başlanıldı. Yeni infrastruktur layihələri, yaşayış məntəqələrinin salınması və iqtisadi fəaliyyətin bərpası Qarabağın dirçəlişini təmin edir. Bu proses Prezident İlham Əliyevin strateji baxışının nəticəsidir.

Qarabağ Zəfəri Azərbaycan tarixində yeni mərhələnin başlanğıcı oldu. Bu Qələbə yalnız ərazi bütövlüyünün bərpası deyil, həm də milli qürurun yüksəlişi deməkdir. Prezident İlham Əliyevin sərkərdəlik və liderlik keyfiyyətləri bu tarixi hadisə ilə bir daha təsdiqləndi.

Zərifə İbrahimova

“Qabaqcıl təhsil işçisi”,YAP Şuşa rayon təşkilatının 25 saylı ərazi partiya təşkilatının sədr müavini