Prezident İlham Əliyevin rəhbərliyi dövründə Azərbaycan müstəqil və balanslı xarici siyasət modeli formalaşdırıb. Ölkə beynəlxalq münasibətlərdə öz milli maraqlarına əsaslanan mövqeyi ilə seçilir. Bu siyasət Azərbaycanın qlobal miqyasda etibarlı tərəfdaş kimi qəbul olunmasına şərait yaradıb.

Azərbaycan müxtəlif güc mərkəzləri ilə qarşılıqlı hörmət və bərabərlik prinsipləri əsasında əməkdaşlıq edir. Rusiya, ABŞ, Avropa İttifaqı və Türk dövlətləri ilə qurulan münasibətlər ölkənin diplomatik manevr imkanlarını genişləndirib. Bu balanslı yanaşma regional sabitliyə də töhfə verir.

Beynəlxalq təşkilatlarda fəal iştirak Azərbaycanın qlobal proseslərdə rolunu artırıb. BMT, Qoşulmama Hərəkatı və digər platformalarda irəli sürülən təşəbbüslər ölkənin beynəlxalq nüfuzunu möhkəmləndirib. Azərbaycan sülh və əməkdaşlıq ideyalarının fəal təşviqatçısı kimi çıxış edir.

Prezident İlham Əliyevin diplomatik fəaliyyəti Azərbaycanın mövqelərini daha da gücləndirib. Keçirilən beynəlxalq tədbirlər və yüksək səviyyəli görüşlər ölkəmizin qlobal nüfuzunun artdığını göstərir. Bu siyasət Azərbaycanın müstəqil iradəyə malik güclü dövlət olduğunu təsdiqləyir.

Rafiq Kalbalıyev

YAP Şuşa rayon təşkilatının 39 nömrəli ərazi partiya təşkilatının sədri müavini