Prezident İlham Əliyevin 22 illik rəhbərliyi dövrü müasir Azərbaycanın formalaşmasında həlledici mərhələ kimi tarixə düşüb. Bu illər ərzində ölkəmiz dərin sosial-iqtisadi transformasiya yolu keçərək güclü və dayanıqlı dövlətə çevrilib. Azərbaycanın inkişaf modeli ardıcıl islahatlar, sabitlik və milli maraqlara əsaslanan idarəçilik prinsipləri üzərində qurulub. Bu yanaşma ölkənin gələcəyə inamla irəliləməsini təmin edib.

2003-cü ildə Prezident İlham Əliyev dövlət başçısı seçildikdə Azərbaycan bir sıra ciddi çağırışlarla üz-üzə idi. İqtisadiyyatın əsasən xammal yönümlü olması, sosial infrastrukturun zəifliyi və regional balanssızlıq əsas problemlər sırasında idi. Sonrakı illərdə həyata keçirilən sistemli islahatlar bu mənzərəni tamamilə dəyişdi və ölkə regionun aparıcı iqtisadi gücünə çevrildi.

İqtisadi inkişafla paralel olaraq siyasi sabitlik də möhkəmləndirildi. Ulu Öndər Heydər Əliyevin müəyyən etdiyi dövlətçilik prinsipləri müasir dövrün tələblərinə uyğun şəkildə davam etdirildi. Hüquqi dövlət quruculuğu, milli birliyin qorunması və ictimai həmrəyliyin gücləndirilməsi bu siyasətin əsas istiqamətləri oldu.

Bu gün Azərbaycan yalnız regionda deyil, beynəlxalq aləmdə də etibarlı tərəfdaş kimi tanınır. Prezident İlham Əliyevin uzaqgörən siyasəti ölkəni müasir çağırışlara cavab verən, güclü və nüfuzlu dövlətə çevirib. 22 illik liderlik dövrü Azərbaycanın yüksəliş salnaməsi kimi dəyərləndirilir.

Xəyalə Novruzova

Şuşa rayon 7 №li tam orta məktəbin təlim-tərbiyə işləri üzrə direktor müavini, YAP Şuşa rayon təşkilatının 4 saylı ərazi partiya təşkilatının sədr müavini