Tədbir ümummilli lider Heydər Əliyevin və Vətən uğrunda şəhidlik zirvəsinə ucalmış qəhrəmanlarımızın xatirəsinin bir dəqiqəlik sükutla yad edilməsi ilə başlayıb.

Görüşü giriş sözü ilə açan YAP Şuşa rayon təşkilatının sədri Təvəkkül Əliyev sosial şəbəkələrdə partiyanın ideoloji xəttinin təşviqi və informasiya siyasətinin düzgün qurulması istiqamətində fəalların fəaliyyətini yüksək qiymətləndirib. O bildirib ki, Şuşa rayon təşkilatının sosial media komandası daim operativlik, məsuliyyət və prinsipial mövqeyi ilə seçilir.

Daha sonra iştirakçılarla fikir mübadiləsi aparılıb, onların sualları cavablandırılıb və qarşıdakı dövrdə sosial şəbəkələrdə görüləcək işlərlə bağlı tövsiyələr verilib. Fəallar çıxış edərək göstərilən etimada və dəstəyə görə Yeni Azərbaycan Partiyasına minnətdarlıqlarını ifadə ediblər.

Görüşün sonunda sosial media fəaliyyətində fərqlənən üzvlərə təşkilat rəhbərliyi tərəfindən hədiyyələr təqdim olunub və tədbir xatirə fotosu ilə yekunlaşıb.