Vətən müharibəsi Azərbaycan xalqının iradəsinin, dövlətin gücünün və ordunun qəhrəmanlığının təntənəsidir. Otuz il davam edən ədalətsizlik, beynəlxalq səssizlik və işğal siyasəti 2020-ci ilin payızında son tapdı. 44 gün ərzində Azərbaycan Ordusu azadlıq uğrunda döyüşərək tarixi ədaləti bərpa etdi. Bu qələbənin zirvəsi isə 8 noyabrda Şuşanın azad edilməsi oldu.

Prezident İlham Əliyev bu müharibədə həm siyasi, həm hərbi liderlik nümunəsi göstərdi. Onun “dəmir yumruq” çağırışı xalqın birliyinin simvoluna çevrildi. Ordumuz yüksək texnologiyalarla, strateji düşüncə ilə və ən əsası, milli ruhla döyüşdü. Şuşa uğrunda gedən döyüşlər tarixdə ən şanlı səhifələrdən biri kimi qalacaq.

Bu gün Qarabağda həyat yenidən canlanır, yollar, məktəblər və evlər tikilir. Köçkünlər doğma yurdlarına qayıdır, torpaq yenidən nəfəs alır. Vətən müharibəsi təkcə torpaqların azadlığı deyil, həm də xalqın birliyinin və gücünün sübutu idi. Zəfər Günü bu birliyin əbədi rəmzidir.

Rafiq Kalbalıyev

YAP Şuşa rayon təşkilatının 39 nömrəli ərazi partiya təşkilatının sədri müavini