Azərbaycan Milli Elmlər Akademiyasının 80 illik yubileyi münasibətilə keçirilən tədbir göstərdi ki, Azərbaycan dövləti elmə strateji sərmayə kimi baxır. Prezident İlham Əliyevin çıxışı bu baxışın mahiyyətini aydın şəkildə ortaya qoydu: elm, təhsil və texnologiya milli dövlətçiliyin uzunömürlü inkişafının təminatıdır. Bu siyasət intellektual suverenliyin əsas prinsiplərinə söykənir və gələcəyə hesablanmışdır.

Son onillikdə həyata keçirilən islahatlar elmi idarəetmədə yeni mərhələnin əsasını qoyub. Elmi müəssisələrin yenidən təşkili, elmi tədqiqatların rəqəmsal platformalara inteqrasiyası və beynəlxalq əməkdaşlığın genişlənməsi bu sahədə keyfiyyət dəyişikliyi yaradıb. Prezident İlham Əliyevin dəstəyi ilə elmi layihələrə ayrılan vəsaitin artması gəncləri elmə cəlb edən əsas stimul olub. Bu, həm də intellektual mühitin sağlamlaşmasına xidmət edir.

Elm və dövlət siyasətinin vəhdəti həm də iqtisadi təhlükəsizliyin təminatıdır. Müstəqil enerji siyasəti, texnoloji innovasiyalar və kibertəhlükəsizlik sahəsində əldə olunan nəticələr bu inteqrasiyanın uğurlu modelini formalaşdırır. Prezident İlham Əliyevin rəhbərliyi ilə Azərbaycan regionda elmi tərəqqi və intellektual kapitalın mərkəzinə çevrilməkdədir. Bu, dövlətin intellektual müstəqilliyinin bariz göstəricisidir.

Gələcəyin əsas məqsədi elmi potensialı iqtisadi, texnoloji və sosial inkişafla birləşdirməkdir. Ulu Öndər Heydər Əliyevin əsasını qoyduğu bu strategiya Prezident İlham Əliyevin liderliyi ilə qlobal səviyyədə rəqabətədavamlı milli elmi sistemə çevrilib. Elm Azərbaycanın gələcəyinin ən güclü təminatıdır və bu siyasət davamlı inkişafın qarantıdır.

Xəyalə Novruzova

YAP Şuşa rayon təşkilatının 4 saylı ərazi partiya təşkilatının sədr müavini