Zəngilanın azad olunması Azərbaycan tarixinin ən şərəfli səhifələrindən biridir. 20 oktyabr 2020-ci ildə Prezident İlham Əliyev xalqa bu möhtəşəm xəbəri çatdırdı. Həmin gün xalqımız illərlə çəkdiyi həsrətin sonuna çatdı.

Zəngilanın işğaldan azad olunması Azərbaycan Ordusunun peşəkarlığını, dövlətin gücünü və xalqın birliyini nümayiş etdirdi. Bu, yalnız hərbi qələbə deyildi – milli ruhun, vətən sevgisinin təntənəsi idi.

Bu gün Zəngilan yeni simada inkişaf edir. Burada həyata keçirilən ağıllı kənd layihələri, ekoloji təmiz enerji sistemləri və sosial infrastruktur bərpa planları Azərbaycanın müasir yanaşmasının göstəricisidir.

Prezident İlham Əliyevin rəhbərliyi ilə Zəngilan regionun iqtisadi, sosial və mədəni dirçəliş mərkəzinə çevrilir. Hər bir layihə burada sabitliyin və rifahın bərpasına xidmət edir.

Zəngilanın azad olunması təkcə bir rayonun deyil, bütövlükdə Azərbaycanın qürurunun bərpası idi. Bu gün orada dalğalanan bayraq xalqımızın qələbə iradəsini simvolizə edir.

Nazilə İbrahimova

YAP Şuşa rayon təşkilatının 3 saylı ərazi partiya təşkilatının sədri