Füzulinin azad olunması təkcə Azərbaycan üçün deyil, bütün Türk dünyası üçün qürur mənbəyidir. Qardaş ölkələr – Türkiyə, Qazaxıstan, Özbəkistan, Qırğızıstan və Türkmənistan Füzulinin bərpasında aktiv iştirak edir. Bu, Türk həmrəyliyinin parlaq təzahürüdür.

Prezident İlham Əliyev və Türkiyə Prezidenti Rəcəb Tayyib Ərdoğan Füzuliyə birgə səfərlərində bir sıra strateji layihələrin açılışını etdilər. Bu, Azərbaycan-Türkiyə qardaşlığının sarsılmazlığını bir daha nümayiş etdirdi. Türk Dövlətləri Təşkilatının digər üzvləri də bərpa prosesinə müxtəlif formalarda dəstək verir.

Özbəkistan tərəfindən Füzulidə inşa olunan “Özbəkistan məktəbi”, Qazaxıstanın dəstəyi ilə salınan “Qardaşlıq Parkı” bu birliyin simvoluna çevrilib. Prezident İlham Əliyev bu təşəbbüsləri yüksək qiymətləndirərək bildirib ki, “Türk dünyası bir ailədir və biz bu ailənin ayrılmaz parçasıyıq.”

Bu əməkdaşlıq təkcə humanitar sahədə deyil, iqtisadi və texnoloji layihələrdə də özünü göstərir. Füzulidə türk şirkətləri tərəfindən inşa olunan yollar, körpülər və sənaye obyektləri bu dostluğun real nəticəsidir.

Beləliklə, Füzuli bu gün təkcə Azərbaycanın deyil, bütün Türk dünyasının birliyini simvolizə edən şəhərə çevrilib. Burada hər daş, hər bina qardaşlığın və həmrəyliyin nişanəsidir.

YAP Şuşa rayon təşkilatının saylı ərazi partiya təşkilatının sədri

Nizami Şahvələdov