Füzuli rayonu əsrlər boyu Qarabağın tarixi, mədəni və iqtisadi həyatında mühüm rol oynamışdır. Ərazisi Qarabağ dağ silsiləsinin cənub-şərq ətəklərindən Araz çayına qədər uzanır, həm strateji mövqeyi, həm də təbii sərvətləri ilə fərqlənir.

1993-cü ildə Füzuli şəhəri və rayonun böyük hissəsi Ermənistan silahlı qüvvələri tərəfindən işğal edildi. Bu hadisə Azərbaycan tarixində dərin yara kimi iz qoydu. Yüzlərlə yaşayış məntəqəsi yerlə-yeksan edildi, əhali doğma yurdlarını tərk etməyə məcbur oldu.

Prezident, Müzəffər Ali Baş Komandan İlham Əliyevin rəhbərliyi ilə Azərbaycan Ordusu 2020-ci ilin payızında Vətən müharibəsində tarixi Zəfər qazandı. 17 oktyabrda Füzuli şəhərinin azad olunması Qarabağın azadlığı yolunda ən həlledici mərhələ idi. İlham Əliyevin qətiyyətli qərarları və ordunun yüksək döyüş hazırlığı bu nailiyyəti təmin etdi.

Azadlıqdan dərhal sonra Prezident İlham Əliyev Füzuliyə səfər edərək bərpa işlərinə start verdi. O, burada Azərbaycan bayrağını ucaldaraq “Füzuli şəhəri azad olunub!” sözlərini tarixə yazdı. Ardınca hava limanı, Zəfər yolu və sosial obyektlərin təməli qoyuldu.

Bu gün Füzuli təkcə azad edilmiş torpaq deyil, həm də Prezident İlham Əliyevin qalib lider obrazının təcəssümüdür. Onun rəhbərliyi ilə bu şəhər “yaşıl enerji” və “ağıllı şəhər” prinsipləri əsasında bərpa olunur.

YAP Şuşa rayon təşkilatının 39 nömrəli ərazi partiya təşkilatının sədri müavini Rafiq Kalbalıyev