Düşənbədə keçirilən MDB Dövlət Başçıları Şurasının iclasında Prezident İlham Əliyevin çıxışı Azərbaycanın xarici siyasət fəlsəfəsinin əsas prinsiplərini aydın şəkildə nümayiş etdirdi. Dövlət başçısı qeyd etdi ki, Azərbaycanın beynəlxalq münasibətlərdə mövqeyi praqmatizmə, qarşılıqlı hörmətə və real nəticələrə əsaslanır.

Prezident İlham Əliyev MDB məkanında inteqrasiyanın yalnız siyasi deyil, həm də mədəni və iqtisadi əsaslarının möhkəmləndirilməsinin vacibliyini vurğuladı. O, humanitar əməkdaşlığın xalqları birləşdirən körpü rolunu oynadığını xüsusi qeyd etdi. MDB Oyunları bu baxımdan mühüm platforma kimi dəyərləndirildi.

Azərbaycan lideri çıxışında Tacikistanla əlaqələrə də toxunaraq, bu münasibətlərin qardaşlıq və dostluq prinsipləri üzərində qurulduğunu bildirdi. İlham Əliyev vurğuladı ki, iki ölkə arasında etimad və əməkdaşlıq regionun sabitliyinə mühüm töhfə verir.

Prezident Laçının MDB-nin Mədəniyyət Paytaxtı seçilməsini ölkəmizin mədəni diplomatiyasının uğuru kimi təqdim etdi. İşğaldan azad edilmiş bu şəhərin qısa müddətdə yenidən qurulması Azərbaycanın sülh və inkişaf siyasətinin bariz göstəricisidir.

Bu çıxışla Prezident İlham Əliyev bir daha nümayiş etdirdi ki, Azərbaycan MDB çərçivəsində yalnız iqtisadi güc deyil, həm də mənəvi dəyərlərin, mədəni inteqrasiyanın və humanitar həmrəyliyin aparıcı dayağıdır.

Kamalə Səfərova

YAP Şuşa rayon təşkilatının 24 saylı ərazi partiya təşkilatının sədri