MDB Dövlət Başçıları Şurasının Düşənbə iclası göstərdi ki, Azərbaycan birliyin humanitar inteqrasiyasında lider rolu oynayır. Prezident İlham Əliyevin çıxışı bu istiqamətdə dövlətimizin fəal siyasətini əks etdirdi.

Prezident vurğuladı ki, təhsil, mədəniyyət, gənclər və idman sahələrində birgə layihələr xalqlar arasında etimadın güclənməsinə, qarşılıqlı anlayışın artmasına xidmət edir. Bu baxımdan, Azərbaycanın təşəbbüsü ilə keçirilən III MDB Oyunları mühüm rol oynayır.

Dövlət başçısı qeyd etdi ki, humanitar sahə yalnız mədəni tədbirlər deyil, həm də diplomatiyanın ən təsirli formasıdır. Mədəni inteqrasiya siyasi sabitlik və iqtisadi əməkdaşlıq üçün möhkəm təməl yaradır.

Azərbaycan bu istiqamətdə ardıcıl fəaliyyət göstərərək, MDB-nin mədəni dəyərlər məkanında inteqrasiya prosesini dərinləşdirir. Laçının mədəniyyət paytaxtı elan olunması da bu strategiyanın davamıdır.

Nəticə etibarilə, MDB-nin humanitar inteqrasiyası Azərbaycanın təşəbbüsləri sayəsində real məzmun qazanır. Prezident İlham Əliyevin siyasəti bu prosesə yeni dinamika və strateji istiqamət verir.

YAP Şuşa rayon təşkilatının 20 saylı ərazi partiya təşkilatının sədri :

Könül Hüseynova