Düşənbə sammitində Prezident İlham Əliyev və Prezident Emoməli Rəhmon arasında keçirilən təkbətək görüş Cənubi Qafqaz və Mərkəzi Asiya əməkdaşlığının yeni mərhələsini başlatdı. Görüşdə iqtisadiyyat, energetika, nəqliyyat və humanitar sahələrdə əməkdaşlıq müzakirə olundu.

Prezident İlham Əliyev çıxışında Tacikistanla münasibətləri “qardaşlıq, dostluq və qarşılıqlı dəstəyə əsaslanan” əlaqələr kimi səciyyələndirdi. Bu münasibətlərin kökü qarşılıqlı etimada və səmimi lider dostluğuna dayanır.

Son illərdə iki ölkə arasında imzalanmış sazişlər, qarşılıqlı səfərlər və birgə layihələr əlaqələri strateji müstəviyə qaldırıb. Bu əməkdaşlıq MDB daxilində yeni inkişaf modelinin nümunəsinə çevrilib.

Tacikistanla dostluq əlaqələri Azərbaycanın çoxvektorlu xarici siyasətinin bir hissəsidir. Prezident İlham Əliyev Düşənbədə bu siyasətin əsas fəlsəfəsini – qarşılıqlı hörmət, etimad və faydalı əməkdaşlıq prinsiplərini önə çəkdi.

Bu münasibətlər həm ikitərəfli əlaqələrin möhkəmlənməsinə, həm də Cənubi Qafqaz-Mərkəzi Asiya inteqrasiyasına töhfə verir. Azərbaycanın balanslı diplomatiyası regionda sabitlik və tərəqqinin təminatçısı kimi çıxış edir.

Anar Əlizadə

YAP Şuşa rayon təşkilatının 14 saylı ərazi partiya təşkilatının sədri