Sabunçu rayonu 337 nömrəli tam orta məktəbdə metodist Samirə Xudiyeva tərəfindən “Tədrisin effektiv planlaşdırılması” mövzusunda keçiriləcək 24 saatlıq təlimə hazırlıq məqsədilə məlumat xarakterli iclas təşkil olunmuşdur.

İclas zamanı təlimin məqsəd və məzmunu barədə iştirakçılara ətraflı məlumat verilmiş, müəllimlərin bu istiqamətdə mövcud ehtiyaclarının müəyyənləşdirilməsi məqsədilə fikir mübadiləsi aparılmışdır. Toplantıda tədrisin planlaşdırılması prosesində üzə çıxan çətinliklər, ehtiyac duyulan istiqamətlər və gələcək təlim mövzularına dair təkliflər qeydə alınmışdır.

Bu cür görüşlərin keçirilməsi müəllimlərin peşəkar inkişafına, tədris prosesinin keyfiyyətinin artırılmasına və təlim planlaşdırılmasında daha səmərəli yanaşmanın formalaşmasına xidmət edir.