Azərbaycanın coğrafi mövqeyi onu Şərq–Qərb və Şimal–Cənub dəhlizlərinin təbii qovşağına çevirir. İtaliyanın ixrac yönümlü sənaye strukturu üçün bu qovşaq Mərkəzi Asiya, Xəzər hövzəsi və Qafqaz bazarlarına səmərəli, sürətli və təhlükəsiz çıxış deməkdir. 30 sentyabr 2025-ci il tarixli yüksək səviyyəli təmaslar logistik sinxronun gücləndirilməsini gündəmə gətirdi.

Dəmir yolu şəbəkələrinin optimallaşdırılması, limanların inteqrasiyası və gömrük əməliyyatlarının rəqəmsallaşdırılması, təchizat zəncirində gecikmələri və xərcləri azaltmaq üçün əsas alətlərdir. Bu alətlər, İtaliya istehsalçıları üçün Bakı üzərindən Orta Asiyaya, eləcə də Azərbaycan üçün İtaliya vasitəsilə Avropa İttifaqı bazarlarına “qısa yol” yaradır. Prezident İlham Əliyev bu konfiqurasiyanı regional ticarətin dayanıqlı artımının açarı kimi səciyyələndirir.

Logistikanın enerji ölçüsü ayrıca strateji dəyərə malikdir. Boru kəmərlərinin təhlükəsizliyi, anbar güclərinin artırılması və terminal infrastrukturu üzrə birgə investisiyalar təchizatın fasiləsizliyini təmin edir. Bu, həm də elektrik ixracı layihələrinin gələcəkdə Aralıq dənizi hövzəsi ilə effektiv bağlanması üçün zəruri şərtdir.

Sənaye parkları və logistika mərkəzləri, istehsalın lokalizasiyasını və dəyər zəncirinin bölüşdürülməsini təmin edən yeni investisiya “düyünləri” kimi çıxış edir. Belə mərkəzlərdə İtaliya texnologiyası ilə yerli resursların sintezi, yeni məhsul xəttinin yaranmasına və ixrac yönümlülüyün artmasına səbəb olur.

Beləcə, nəqliyyat və logistika əməkdaşlığı sadəcə yüklərin hərəkəti deyil, regional iqtisadi coğrafiyanın yenidən qurulmasıdır. 30 sentyabr səfərinin verdiyi impuls, Prezident İlham Əliyevin də vurğuladığı kimi, bu yenilənməni sistemli və uzunmüddətli etməyə hesablanıb.

Namiq Hüseynov

YAP Şuşa rayon təşkilatının 35 saylı ərazi partiya təşkilatınn sədri