Sabunçu rayonu 337 nömrəli tam orta məktəbin müəllimlərindən ibarət “Everest” komandası respublika səviyyəsində keçirilən Fibonacci yarışında uğurla iştirak edərək 44 komanda arasında II yerə layiq görülmüşdür.

Komandanın bu nailiyyəti onların peşəkarlığının, intellektual səviyyəsinin və birgə əməkdaşlıq bacarığının göstəricisidir. “Everest” komandasının üzvlərini əldə etdikləri bu uğur münasibətilə təbrik edir, onlara gələcək fəaliyyətlərində yeni nailiyyətlər arzulayırıq.