İşğaldan azad edilmiş ərazilərimizdə Ermənistan tərəfindən dağıdılmış dini və tarixi abidələrin bərpası davam edir. Məscidlər, məbədlər və mədəniyyət ocaqları əvvəlki görkəminə qaytarılır.

2023-cü ilin payızında Prezident İlham Əliyev Xocavəndin Hadrut qəsəbəsində yenidən inşa edilmiş məscidin açılışında iştirak etdi. Bu məscidin təməli 2021-ci ildə dövlət başçısı tərəfindən qoyulmuşdu.

Bu addım həm də Azərbaycanın multikultural dəyərlərə, dini tolerantlığa sadiqliyinin göstəricisidir. Çünki dağıdılmış abidələrin bərpası xalqımızın mənəvi yaddaşının dirçəldilməsidir.

Prezidentin səfərləri zamanı həm də kəndlərə qayıdan sakinlərlə görüşlər keçirildi. Onların doğma torpaqlarına qovuşması böyük sevinc yaşatdı.Azərbaycanda mədəniyyətin və dinin inkişafı dövlət siyasətinin mühüm istiqamətidir. Qarabağda aparılan işlər bunun bariz nümunəsidir.

Bu gün Qarabağ yalnız hərbi yox, həm də mənəvi qələbənin məkanıdır.

Namiq Hüseynov

YAP Şuşa rayon təşkilatının 35 saylı ərazi partiya təşkilatınn sədri